Ka Indian Council of Medical Research (ICMR) ynne ka sngi da pynmih ko ya ki buit ki sneiñ (Advisory) heiyatoh wa ka khlam kjut COVID-19 heiwa da em ki kyndon kiwa ye u bood katkam i chem yong ka.
Ka ICMR da ong ko wa da ye u leh COVID-19 Test pyn ha yung heiwa u bru samen da ye u wow leh Test pyn da-oo ya-oo hi, heiwa ka Council da pdiang ko ya ki ki tiar (Kit) wa tip kam i CoviSelf neibynta wow leh Test ha yung heiwa u ye u chim nongmuna du na khmut (Nasal Swab) donhi wow leh ya kani ka Rapid Antigen Test.
Ya ka CoviSelf Test toh u chim nongmuna (Sample) du na ki bru kiwa da em palat 18 snem i rta.
Ka ICMR da ong ko leh wa du ki bru kiwa em ki dak næ kiwa yajan wa ki bru kiwa da pyntikna wa chah ktah ki ha u COVID-19 lyngba ki Laboratory Test ye ki wow leh ya kani ka Test pyn ha yung.
Heijooh i por ka ICMR da ong ko leh wa waroh ki bru kiwa da yoh Report wa man Positive toh u kheiñ ya ki kam kiwa chah ktah ha ka kjut wei ym emkaam de wow leh da kiwi ki Test wei waroh kiwa chah ktah (Positive) toh u bood ki ya ki kyndon wow chong-kset ha yung wa kiwi ki kyndon ka ICMR wa ka Ministry of Health & Family Welfare (MoH&FW).
Waroh kiwa em ya ki dak (Symptomatic) tangwa ha ka test RAT won man Negative ko emkaam wow leh Test biang ki da ka RT-PCR neibhah wa da ka RAT ymye ware u pynsakhiat hadooh katwon man ko kawa tne.
Waroh ki Test wa man Negative da ka RAT tangwa em dak (Symptomatic) ki toh u kheiñ ya ki kam kiwa suba wa yoh COVID-19 wei emkaam wow bood ya ki kyndon wa da booh kat hadooh wa pyntikna ya ka Test da ka RT-PCR.
