Ka DC ka East Khasi Hills da pyntip ko wa ha ini i por wa da pynkrehkaam ya ka Total Curfew hapoh ka District nadooh 8:00 waje i miet ka 19-05-21 hadooh 31-05-21, waroh ki Car Pass wa da e nibynta kiwa leh ya ka Home Delivery Service ya ki Restaurants/Kitchens/Café/Fast Foods wa kiwi kiwi toh kiwa da pyndam nadooh 8:00 waje i miet ka 19 tarik hadooh wa pynmih hukum da kamwi.
Kiwi ki thaw wa leh yei lai e baam wa kiwi ki mar wa emkaam kam cha ki Hospital/Corona Care Centres/Quarantine Centres kiwa da yoh bor, da pynlait ya ki na kani ka hukum.
Chooh chooh ki marbaam nadooh i doh, ki jhoor, ki soh, ki sabon wa kiwi kiwi daw yoh ha ki jar jiar ki dong ha ki sngi wa i por wa da booh yow li booh cha ki yung ki bru deiwa pynbait ki jar jiar ki Incident Commanders/ki BDOs/ki waheh chnong wa ki bor chnong.
I e bor wow leh ya ini i kaam daw e katkam i emkaam wei u e du cha kitu kiwa da jooh leh wei kiwa tip kammon wow leh ya ini i kaam.
