U Sub Divisional Magistrate ka Amlarem Civil Sub-Division da pyntip u wa neidaw wa joor i ku kiwa yoh COVID-19 hapoh ka West Jaiñtia Hills District wei da emkaam wow leh ya ki kaam yow kdoh u khoom yei poor ka khlaam hapoh ka Sub-Division leh kamjooh neidaw wa da em leh i yabi uni u khñiang hapyrdi kiwa chong chnong.
Kamtæ da ong u wa da chem wa hawa em i yap bru, da wan boon ki bru iwa da wanrah yei maa wow poor chooh chooh uni u khñiang.
Hajrong ini da pynmih hukum wa ki Waheh Chnong lane ki Secretary Chnong wa hap ki wow pyntip cha ka yung krehkaam u SDO(C) kamjooh cha ki pulit lada em kiwa yap kiwa ym toh na u COVID-19 chwa wow pyndep ya ka niam ka rukom wa khaddooh.
Ka leh niam wa wa khaddooh toh u pyndep chwa ka 2 waje i sngi pyn haka sngi wa bood wa khlaad.
Ki bru wa chah u em toh 10 ngut donhi deiwa pyntip cha u SDO deiwa booh dei thoh yei pyrtuid kiwa wan cha i yap bru, ki phone number wa i thaw sah ki.
