Ynnin ka sngi u montri rangbah ka jylla, u Conrad K Sangma da booddien u wa ki sahep ki chnat waphær waphær heiyatoh wa i pynkhreh yakhun ya ka khlam COVID-19 ha Ri-loom Garo kawa dang joor kat dang mih ki sngi.
Neiliang ki sahep ka chnat i chait i khiah da khana ki yei emkaam yong ki wow yakhun ya kani ka khlam.
U Conrad da pyntip u wa ka Directorate of Health daw wan ko cha Ri-loom Garo wow sylli yeiwa emkaam khnang wow ye wow leh yeiwa emkaam ha waroh ki District.
Ha kani ka jooh ka sngi u Conrad da lai pait u leh ya ka Holy Cross Hospital ha Tura heiwa da e khublei u ya kiwa pynlai kamjooh kiwa kreh kiwa da ye sakhiat wow e i chakri ya ki paidbah kam ha ini i por.
Da yaklam u leh wa ki heh pulit lyngba ka Internet khamtam yei ye yong ki wow pynkrehkaam ya ki kyndon yada COVID-19 wei da rai leh wow pynku kyrdan ya iwa emkaam ki pulit deiwa pynlut T. 80 klur.
