Ka Seiñ Kur Dkhar Wapung Circle lyngba ka khubor wa da phah da kiwa yahkhmat ka kur Dkhar lyngba u Shaniahskem Dkhar, President wa u Kyrchan Dkhar, Secretary da beiñ joor ki yei chah pynyap dusmon yong uwi na ki para kur uwa da tip pyrtuid kam u Richas Dkhar ha ki bru jrah snam ki wym tipmit.
ka Sein Kur da dap ko dei sñiawsih wa joor hajrong ini i jia wei da phah ko leh ya ka khubor sñiawlem cha kiwa ha yung ha sem kam i dak yong i sñiawih hajrong i dooh noh ya uwi na u para kur ha kti yong kiwa ym em sñiaw de para bru.
Ka Seiñ Kur Dkhar ka dawa joor ko na ki bor yong ka aiñ wa toh u chimkhia u thooh ya kiwa emkti ha itai i kaam wei wow pynchitom da iwa khor katkam ka aiñ.
Neiliang ka seiñ da ong ko leh wa ym chong klikti wei u lai ki chaphrang wow thooh ya kam kitai ki bru wei da kular leh hakhmat yong ki bor ka aiñ wow ya krehlang la ha iwon iwon i bynta lada emkaam ya ki.
