Ka DC ka East Khasi Hills da pyntip ko wa khnang wow yarap wei wow yada ya ki warep na i doohnong ya ki mar-rep, da pynbna wa daw wai ya ka yaw Wholesale ha Anjalee Parking Lot Shillong ha ka 24 tarik uni u Naisan neibynta ki warep ka Mylliem, Mawphlang wa Sohiong Block wa ya kiwa chalan ya ki mar-rep cha baar ka jylla.
Khnang wow yada yei poor ka khlam COVID-19 da booh ryntih ya ki kyndon neibynta wow wai ya ka yaw Wholesale.
Ya kani ka yaw dai yonglang namo ka Wholesale daw e laad du ya ki warep na kitai ki le tylli ki Block wei kiwa da yoh ya ka Car Pass. Ya ki Car Pass neibynta ki warep ye u yoh du na ka yungkrehkaam ki BDO wei ka Car Passs toh du neibynta ki kari wa heh kam ki Bolero Pick-up lane ki Truck.
Du kiwa khayi lane ki Wholesaler kiwa da yoh bor na ka yung krehkaam ka DC u chah u wan chim lane thied mar-rep na kani ka yaw. Kiwa khayi/Wholesaler ye ki wow yoh Car Pass na ka Incident Commander Zone IV ka yung krehkaam ka DC.
Ym chah ya kiwa dai madan wa kiwa thied neibynta yong samen ha kani ka sngi wai yaw wei daw daiñ kuna ya kiwon kiwon kiwa psiah chapoh katai ka yaw khlem da yoh bor.
Ya ki Retailer lane kiwa dai dukan chnong ym chah wow psiah ki cha katai ka yaw.
I por wow wai ya kani ka yaw Wholesale u man ko nadooh 2 waje i sngi hadooh 6 waje i janmiet.
Ki warep wa kiwa khayi toh u bood ryntih ki ya ki kyndon yong ka chnat i chait i khiah kamwa da pynbna ka sorkar na ki por cha ki por kitæ wow deiñ ya ki Mask, u yajngai uwi ya uwi wei wow sait khooid ya ki kti.
Kiwon kiwon kiwa tyngkheiñ ya ki kyndon daw chah pynchitom ki katkam ki bor yong ka aiñ.
Ya ki warep na kiwi ki Block daw pynbait wei pynbna da kamwi.
Neibynta ka yutip wa rap bniah ye wow Phone cha ki BDO lane deiwa toh da ka email cha ka [email protected] lane deiwa Phone ha u Number 0364-2502094 wa ha 0364-225289 (Shillong Control Room).
