U Montri wa pait ya ki kaam pohyung ka jylla, u Lahkmen Rymbui da ong u wa man ko iwa eh ya ya ki pulit wow kdoh u khoom yei wan psiah ki bru kiwa na baar, neibhah wa ka jylla em ko ya ki sarok bah wa lai luti cha kiwi ki jylla.
Hawa kylli hajrong i wym ye u khang yei yoh ki baar jylla u psiah hanla da pynkrehkaam da ka Lockdown, da ong u wa em i eh neibhah wa ka jylla ka em ko ya u sarok wa lai luti nadooh Jorabat cha Rattacherra, heiwa da pynrap u wa ki bru kiwa chim kabu em bait ki deiwa kam wa lai ki cha Silchar wa Karimganj, tangwa hiar noh ki chiteiñ luti. Da ong u wa hadien wa da yoo ya ka khubor, neiliang u symbood montri rangbah da klam che u wa toh u pynrkhiñ, heiwa ka chnat pulit da pyrchang ko wow kreh chitom.
Hawa kylli chooh chooh, u Rymbui da ong u wa ki pulit hawa yoh ksoh ki ya ki baar jylla, da pait ki ya ki kot ki sla wei lada biang ki, da pynlait, tangwa ya kiwa wan psiah tooh, psiah pyrchah ya ka aiñ ha ini i por wa em i khangsbak, ki pulit hap ki wow pynchitom neibha wa tyngkheiñ ki ya ka aiñ wa da pynkrehkaam ha ka jylla.
