U montri ka sorkar pyrdi wa pait ya ka chnat Development of North Eastern Region (DoNER), wa kiwi kiwi, u Dr. Jitendra Singh ynne da khut u da ka yalang wa jhan wow yaklam hajrong i ku syndet i poor ka khlam COVID-19 ha ka thaaiñ mihsngi.
Ha kani ka yalang da chimbynta da ki Health Secretary ki phra jylla ka thaaiñ kiwa kynthup ya ka Assam, Meghalaya, Tripura, Arunachal Pradesh, Sikkim, Manipur, Mizoram wa Nagaland kamjooh leh u Union Secretary Ministry of North East, Secretary North Eastern Council wa u Joint Secretary In-charge Northeast, Ministry of Health.
Hadien wa mih ki khubor wa ong wa ka thaaiñ (Northeast) daw man ko kam ka COVID Hotspot, u Dr. Jitendra Singh da ong u wa da man i iwa sñiawkhia neibhah ha ka wot wa nyngkong ha u 2020 ka thaaiñ ym em ware u chah ktah ko tangwa katni ini da man i mar dei kangtleiñ heiwa da sakhi yei boon syndet kiwa chah ktah ha kani ka khlam deiwa pynrap wa ka sorkar pyrdi da booddien bha ko yeini wa ki montri rangbah ki sorkar jylla.
U Dr. Jitendra Singh da ong u wa katni da emkaam wow thooh ki laad ki luti wow pynduna yei poor kani ka khlam.
Da kdaw u leh yei man i long ki jylla hadooh ynne i step heiwa ha Tripura wa Meghalaya da ku kiwa chah ktah, kamjooh leh ki kattu katni ki District ka Nagaland, Mizoram wa Arunachal Pradesh.
Chooh chooh da e buit u wow pynkrehkaam pura ya ki kyndon ka sorkar, wow leh ya ka Test wei wow booddien ya kiwa chah ktah wei wow pynkrehkaam da ki Micro Containment Zone lada jia wa emkaam.
U Dr. Jitendra Singh da pyntip u leh wa ha ki tayaw wow wan, ka sorkar pyrdi daw thooh ko ki laad wow pynpoi ya ki tika cha ka thaaiñ wei yeini waroh dang pynkhreh da ka Health Ministry deiwa kyntu ya ki jylla wow phah yei tyrwa wa emkaam heiyatoh wa kani ka khlam khnang wa ka sorkar u ye ko wow pyrkhat yeini. Da ong u wa iwa boon hi i tyrwa toh heiyatoh wa ki thaw sumaar, ki Oxygen Plant, Mobile Testing Van wa kiwi kiwi kiwa rap kongsan.
