Kam chibynta wow yakhun ya ka khlam COVID-19, ka sorkar jylla da rai ko wow booh noh 2 tylli ki Corona Care Center (CCC) hapoh ka Mawlai C&RD Block, wa kynthup ya ka Amphitheatre kawa em ha Mawlai Nongkwar wa ka skur St. Francis ha Mawlai Kyntonmassar.
Yeini da pyntip da u montri ka chnait i chait i khiah ka jylla, u AL Hek uwa da lai pait ya kini ki thaw ynne ka sngi ryngkat wa ki sahep ka chnat, heiwa da pyntip u wa ha Mawlai Nongkwar daw em 20 tylli ki pyllong katwa ha St. Francis ong 60 pyllong.
Da ong u leh wa yei emkaam ha kini ki thaw daw pynbiang lut ka sorkar ryngkat i yakrehlang ki bor chnong wa bor District.
Chooh chooh da pyntip u wa kini ki CCC toh du neibynta wow sumaar ya kiaw chitom malum malæ kiwa haap hapoh ka Category ‘A’ wa ‘B’ wa ya kitu ki wym em ki dak ki chin wa chitom tangwa kiwa em ya uni u khñiang.
