Ka Chilliangraij kam ka nongmuna wow pynduna yei yabai COVID-19

Ka dorbar chnong Chilliangraij, Jowai kawa ini wa dep da pynbna ya ki bynta yong ka kam ka Micro Containment Zone, hajrong i thong wow pynduna nei yabi ka khlam COVID-19, da chim ko ya ki laad ki luti wow booh ya ka Community Isolation Centre khnang wa kiwa chong chnong wa yoh ya u khñiang ye ki wow chong samen yow lait nei maa ya kiwa ha yung hasem ki wym em yoh ya u khñiang.

Hawa yaklam wa u D.H. Pde, Waheh Chnong ka Chilliangraij da pyntip u wa boon hi ki bru wa dooh wa duk ha kani ka chnong chem chitom ki wow yoh thaw neibynta wow chong kset samen, wei i wym yoh thaw wow leh ya ini da pynpoor ko yei poor u khñiang wei kamtæ da sñiaw wa deiwa em ka Isolation Centre daw man ko iwa biang.

Da ong u wa i pynchlur ka sorkar wow chong kset ha yung ya kitu wa em dak malu mala, da yoo wa nang poor u khñiang ha kitu ki manyung neibhah wa ym em ya ki thaw wa biang najrong wym ye ki bood yaki kyndon yajngai, u deiñ Mask wa kiwi kiwi.

Heiyatoh wa ka kani ka Isolation Centre, da e khublei ki leh yaki bor District kiwa da yarap cha ka chnong daki kymmor, ki tuskok, borti wa kiwi deiwa yooluti leh wa daw yoh chooh chooh ki yarap.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Asst. Secretary ka Chilliangraij u Oriland Shylla da pynsñpaw u leh yei sñiawngooh yaka Kur Sookpoh kawa da e sñiawbha ya kani ka yung kawa man kawa biang nadooh ki thawa sum, ki paikhana wa kiwi wei ha kani ka thaw da pynkhreh neibynta ki 10 ngut, wei lada nang ku kiwa yoh, daw pynkhreh sa ya ka yungwalieh. 

Neibynta kiwa chong kset hapoh ka Isolation Centre, da yarap da kiwa yahkhmat ka chnong kiwa lai chim yei baam na ki yung ki sem neidaw wym chah ya kiwa ha yung yong ki wow mih ki.

Chooh chooh da pyntip wa wot ki khon yong ka chnong leh smat ki wow e yarap sñiawbha cha kini kiwa chong kset da ki baam wa kiwi won ki emkaam yong ki. 

Ka chnong da e yarap ko leh ya kitu kiwa biang thaw sah ha yung, deiwa tyrwa cha ki wow Phone ki lada emkaam iyi re iyi wow thied marbaam næ ki dawai.

Neitæ yow yarap wow pynwyrngai yei pyrkhat pyrdaiñ, i por ki sngi kitu kiwa chong kset ha kani ka Isolation Centre, ka chnong da booh ko leh ya ki tiar yalehke kam ki Chess, Carrom, Ludo deiwa yaklam leh wa ki lyngba ka Mobile Phone.