Kiwa dang chait la 15 sngi khlem sangeh da boon ki ya kiwa dang yoh ha India wei kiwa dang yoh la arsien ha kani ka tayaw da em ki hapoh 2 lak ngut heiwa ha kini ki 24 kynta kiwa dang yoh da em ki 1,86,364 ngut, kiwa dang chait da em ki 2,59,459 ngut, kiwa dang yap da em ki 3,660 ngut iwa mut wa kiwa dang em ya uni u khñiang da hiar ki da 76,755 ngut.
Ha kini ki 24 kynta da dep leh 20,70,508 tylli ki Test heiwa kiwa yoh ya uni u khñiang (Positivity Rate) da em ki 9.00% iwa da neh hapoh 10% la soo sngi kattu heiwa ha ka 8 tarik uni u bnai ka Positivity Rate da em ko hadooh 22.59%.
Ha kini ki 24 kynta da em leh du 9 tylli ki jylla wa boon da kiwa dang yoh ya kiwa dang chait heiwa ha Arunachal Pradesh da boon da kiwa dang yoh da 188 ngut, Assam 837 ngut, Manipur 219 ngut, Meghalaya 200 ngut, Mizoram 44 ngut, Nagaland 18 ngut, Odisha 6702 ngut, Sikkim 182 ngut wa ha Tamil Nadu 2824 ngut.
Waroh kiwa da chait da em ki 90.34% kiwa em 2,48,93,410 ngut, kiwa dang chah ktah ha u khñiang da em ki 8.50% kiwa em 23,43,152 ngut, kiwa yap 1.16% kiwa em 3,18,895 ngut, deilang dapoi 2,75,55,457 ngut kiwa da dep yoh ya uni u khñiang hapoh ka ri.
Heiyatoh wa i e dawai tika hapoh ka ri, da dep wow e la 20,57,20,660 sien heiwa ynnin ka sngi da e 26,58,218 sien.
