Kiwa chong chnong kiwa kattu katni ngut kiwa kwah wow e yarap, da pyntip ki cha ki dorbar chnong, ki seiñ khynroo khyllood, ki seiñ kynthai wa kiwi ki seiñ krehmon sñiawbha wa em ya ki Pulse Oximeter kiwa da thmu wow e cha ki chnong wa ki seiñ wow pynemkaam ya ki neibynta ki paidbah.
U Pulse Oximeter toh u tiar wow thaw yow tip katwon em ka la-ær Oxygen ha i doh.
Kamwa da tip wa iwi na i chitom wa ki bru kiwa yoh COVID-19 maad ki toh i hiar wei duna ka la-ær Oxygen. Wei kiwa yoh ya uni u khñiang hanla ym em chitom ki wei ym em ki leh ki dak ki chin chitom, ye won wow man wa ka la-ær Oxygen wa em hei doh da sdang duna ko, wei hap wow syndong bha ya ini.
Kam chibynta i yakhun ya ka khlam, hawa i yoh COVID-19 i wei da leh Quarantine lane i chongkset ha yung, hap wow kitkhia wei apsiar ya idæ yei long i man i doh i pran wei iwi na i laad toh wow thaw yei em la-ær Oxygen ha i doh yow pyntikna wa ym duna ko ya ka 94, wei lada duna toh u pyntip cha ki bor i chait i khiah wei wow lai cha ki thaw e sumaar.
Ya uni u Oximeter em ki bru wa em oo tangwa man u uwa syad wa kiwa boon wow thied ya oo.
Kamtæ neiliang kini kiwa chong chnong da tyrwa ko wow wai ya ka Oximeter Bank ha ki chnong lane wa ki seiñ khnang yow ye wow e cha ki paidbah wow pynemkaam ki ha i por emkaam ki. Kini ki Oximeter kiwa u e ym toh wow booh sah cha ki bru samen tangwa hapoh i pynlai yong phi yow pynemkaam da waroh kiwa emkaam ya oo, deiwa pynuiñ hadien wym emkaam de. Ki paidbah ym emkaam ki wow su iyi iyi ha i por wa chim kylliang ya kini ki Oximeter.
Lada emkaam phi wow pynlai ya ka Oximeter Bank ha chnong yong phi, ye phi wow Phone ha uni u Number 6033005175.
Hawa pynemkaam ya uni u Oximeter, emkaam wow pait wa ki kti yong phi man ki kiwa khooid wei rkhiang wei ym em biah rong ya ki tyrsim. Booh ya ka kti hajrong ka miej, wei thap ya ka pariam wa kdaw ha u Oximeter. Pynche ya yoo deiwa ban yei thaw pynche wei yang hadooh wa mih dak (Number). Lada u Number man u uwa duna ya ka 94, ini mut wa duna Oxygen i doh wei toh u pyntip wut wut cha ka chnat i chait i khiah.
Toh u thaw 2-3 sien ha ka chi sngi hawa yoh phi ya u COVID-19 wei hawa chong Quarantine ha yung. Lada hap pynemkaam palat uwi u bru ha yung, pynkhooid ya u Oximeter chwa wa hadien wa da dep pynemaam deiwa chim Sanitizer ha ka that dep te niam ya u Oximeter. Ham theh næ sait bait da i Sanitizer ha u Oximeter neibhah wa daw sih u.
