Ka Jaiñtia Got Talent kawa da pynlai da ka Chirup U Kreh Lang I Society hadien wa da pynyinsur biang ka sorkar ya ki kyndon wow khoom u kdoh namo ki Containment Measure, ka Society da chim ko ya ka rai wa ka Audition ha Jowai daw leh noh ya ka da ka Online Audition.
Ini mut i wa ye phi u phah ya i video yong phi, heiwa i Video iwa phah emkaam wow pyntipmit chwa phi ya phi hi, wow khana phi yei sap yong phi, wa i thaw chong thaw sah, I Video i wa phah ym hoi u tam i ya ka 2 minit. Ha kani ka Online Audition da elaad wow sdang nadooh ka 6 tarik uni u bnai hadooh ka 20 tarik uni u bnai, kiwa palat yeitæ ka Society ym pdiang de ko.
Ya i Video ye u phah ha kini ki no: +918415012783, +918415071411.
Ye leh u phah ha ka email yong kani ka yakob [email protected].
Chooh chooh ka Society da pyntip ko wa ya ka Mega Audition daw pynman hadien ka 20 tarik uni u bnai, ka Society da kyrpaad ko leh ya kitu kiwa chimbynta wa da chah jied ha kylleiñ ki bynta wow man kiwa yaichah wei yow dang pynpliah chooh chooh ya i sap yong phi.
