U MP ka Congress na Shillong, u Vincent H Pala da thoh u cha u montri ka chnat puræ puthi ka ri, u Dr. Ramesh Pokhriyal Nishank wow kynthup ya ka ktien Khasi wa Garo kam ka Second Language ha ka Central Board of Secondary Education (CBSE).
Da ong u wa ka ktien Khasi wa Garo toh i ktien wa da klam da ki tre jylla ka Meghalaya wa kamjooh leh ha kiwi ki jylla kamjooh leh ha ri Bangladesh.
Chooh chooh da ong u wa ha Meghalaya em kamwa 35 lak ngut ki bru heiwa 47% na ki toh kiwa klam dei Khasi wa 30.86 % dei Garo wei ha ka thup ki ktien (List of languages) wa pynmih da ka CBSE ym em u kynthup ya ka ktien Khasi wa Garo katwa da kynthup won ya ka Mizo kawa da klam da ki 12 lak ngut wa Tangkhul 1.83 lak ngut donhi.
Katwa kamtæ da kyntu u ya u Dr. Ramesh wow kynthup noh ya ka Khasi wa Garo ha ka thup yong ki ktien yong ka CBSE neibynta i bha i miat ka jylla wa ki khynnah leh kamjooh.
