Kat dang mih ki sngi i poor u khñiang kjut COVID-19 dang joor i hapoh ka thaaiñ mihsngi wei khamtam ha ka jylla Meghalaya leh waroh kawi.
Kam ha kani ka kynti, ka DC ka East Khasi Hills, ka Isawanda Laloo da kyntu ko ya ki paidbah wow wan ki chaphrang wow chim ya i tika wow yada na kani ka khlam COVID-19.
Ka Isawanda da ong ko wa hanlada da biang ki dawai tika leh da em ki bru kiwa dang artatien wow chim ya ini i tika deiwa kyntu ya ki paidbah wow wan ki chaphrang wow chim tika khnang wow ye u pynsangeh yei poor uni u khñiang kjut.
Chooh chooh da ong ko wa ini i tika yada i ym du ya ki mynsien bru tangwa yada i leh khamtam ya kiwi ki mynsien wa kheiñkor i.
Dei mynsien wa khia da kyntu ko ya kiwa da chim ya i tika wow pynchlur wei heijooh i por wow pynsñiawthooh ya kiwi tawon ki 10 ngut ki lok kamjooh leh ki dkhot ka yung ka sem wow wan chim ya ini i tika yada na kani ka khlam COVID-19.
