Kiwa dang yoh COVID-19 ha India da pteiñ ki wow duna katwa dang mih ki sngi heiwa kiwa dang yoh ha kini ki 24 kynta man ki kiwa duna dooh hadien 61 sngi kiwa kat u tam 1 lak ngut iwa da man leh la 11 sngi wa em kiwa dang yoh hapoh 2 lak ngut, katwa kiwa chait leh da tam ki ya kiwa dang yoh la 25 sngi.
Ha kini ki 24 kynta kiwa dang yoh da em ki 1,00,636 ngut, kiwa dang chait da em ki 1,74,399 ngut, kiwa dang yap 2,427 ngut iwa mut wa kiwa dang em ya uni u khñiang da hiar ki da 76,190 ngut.
Ha kini ki 24 kynta da em leh du 3 tylli ki jylla wa em boon da kiwa dang yoh ya kiwa chait kiwa kynthup ya ka Dadar & Nagar Haveli and Daman & Diu wa boon da kiwa dang yoh da 7 ngut, Manipur 168 ngut wa ha Sikkim 88 ngut.
Ha kini ki 24 kynta da leh 15,87,589 tylli ki Test heiwa kiwa yoh (Positivity Rate) da man ko 6.34% kawa da neh hapoh 10% la 14 sngi kattu.
Waroh kiwa da chait da em ki 93.94% kiwa em 2,71,59,180 ngut, kiwa dang chah ktah da em ki 4.85% kiwa em 14,01,609 ngut, kiwa yap 1.21% kiwa em 3,49,186 ngut, deilang dapoi 2,89,09,975 ngut kiwa da dep yoh ya uni u khñiang hapoh ka ri.
Heiyatoh wa i e dawai tika hapoh ka ri, da dep wow e la 23,27,86,482 sien heiwa ynnin ka sngi da e 13,90,916 sien.
