Ini toh i pyntip paidbah wa ka chnong Mawlong, Amlarem Sub-Division, West Jaintia Hills District ym chah ko ya kiwon kiwon ki bru wow psiah chapoh chnong khlem da yoh bor na u waheh chnong yong ka chnong nadooh kiwa wan emkaam, kiwa wan chah sumaar, kiba wan chim dawai (kymbat) na ki Kabiraj kiwa em hapoh ka chnong Mawlong.
Kiwon kiwon kiwa kwah næ emkaam wow wan cha ka chnong Mawlong hap ki wow yoh yei pynskahiat na u waheh chnong yong ka chnong wa ym em ki ya ki dak ki chin yong u Covid-19 wei ym toh kiwa yachem lane kiwa yachem pateiñ wa kiwa yoh COVID-19.
Ye leh wow wanrah da ka Report Covid wa da dep Test ya idæ wei hap leh wow bood ryntih ya ki aiñ ki kyndon yong ka chnat i chait i khiah ka sorkar Meghalaya.
