Ka Khasi Student Union Khliehriat Town Unit hapoh i yahkhmat u Samson Rymbai, General Secretary, u Sanki O Nongtdu Organzing Secretary, u Thomas Phawa Sports Secretary deilang ki ar ngut ki dkhot da lai yachem ki ya u Executive Engineer ka Khliehriat Distribution Sub-Station hajrong i dooh bordiñ ka dong Lad Sutnga neidaw wa 2 tylli ki Transformer yong kani ka thaaiñ da sih ki.
Heini i lai yachem ka KSU Khliehriat Town Unit, da kyrpaad ko na u Engineer wa toh u pait wow rap pynsmat phah chna ya kitai ki 2 tylli ki Transformer wa sih khnang wa ki khynnah skur u ye ki wow pteiñ yaki Online Class ki yong ki, neitæ ki yung ki sem wa pynemkam hei chet i tu, kiwa pynemkam um deiwa tan da u motor nalor kiwi tawon ki chem chitom.
Hajrong ini khana ki wa neiliang u Engineer da jubab u kat wym em tiar de ha katai ka yung krehkaam neitæ i daw slem por ya ki u phah chna wa toh hap yang ki na ka yung krehkaam wa em ha Jowai. Da ong haroh u wa mar ya wan ki tiar na Jowai u yaleh hi ki u smat pynchna.
