Ka Jaiñtia Students Union Central Body ynne ka sngi da lai beh ko ya ki bru ka RECPDCL kiwa thmu wow wan sylli ya ka chnat MeECL ha Jowai.
Ka seiñ da kylli ko ya ka sorkar wa kammon kini ki bru wan ki chapoh Ri-loom Jaiñtia ha kam kini ki por wa em ka khlam COVID-19 katwa ngait deiwa ban joor leh wa hawa boon na kiwa mihkhmat wa ki seiñbhalang pyrchah ki wow lilam ya ka MeECL kat u yoo won kini ki bru ka Company da wan bait ki wei yoo lakam wa em iyi iyi cha lyndet ini waroh.
Ha iwi i liang da ong leh wa da booh ko hei maa ya ki paidbah neibhah ymtip kini ki ka Company neiwon wan ki.
Ka seiñ da ban joor ko ya ka sorkar jylla wow pyndam noh ya ini i thmu wow lilam ya ka MeECL cha ki Company samen, wei u pteiñ bait ka seiñ i pyrchah lada ka sorkar ym ap ko yeini wei daw pynman noh ko da i yakhih.
