Heiyatoh wa i wan ka la-ær wa ar ka khlam COVID-19 wei heijooh i por yow ye u pynbiang yei em ki marbaam mardih ha ki yaw ki haat neibynta i emkaam yong ki bru. Neiliang u Deputy Commissioner (Supply) ynne ka sngi da pynmih hukum u yow phah ya waroh kiwa dai dukan (Wholesaler wa Retail) wa em hapoh West Jaiñtia Hills wa toh u pait ki wa i em ki marbaam mardih hapoh ki dukan yong phi toh u biang i khnang wow yada nei duna ki marbaam mardih hapoh ka District.
Kamtæ da phah ya ki tre dukan wym toh wow dai yei mar palat yei dor wa da booh wei ym toh wow murieh ya ki marbaam mardih.
Kiwa wan thied mar na ki dukan toh u deiñ ki ya ki Mask wei wow yieñ yajngai uwi ya uwi kamwa 2 meter. Toh leh wow booh ya i Hand Sanitizer ha ki dukan yow ye kiwa thied wow pynemkaam. Ya ki wym kohngooh yeiwa phah ye wow khang u psiah ki chapoh ki dukan.
Daw pynman leh yei wan sylli syndet namo ka Surprise Inspection ya ki marbaam mardih ha ki dukan wei lada chem wa em kiwa leh pyrchah, daw pynchitom ya ki katkam ki kyndon yong ka Essential Commodities Act, 1995 wa ka Section 188 yong ka Indian Penal Code.
