U Montri wa pait ya ka chnat i chait i khah u AL Hek da ong u wa ym ye hi-eh wow pyndam noh ya ka Voluntary Health Association of Meghalaya (VHAM), kawa man ka NGO wa pynlai ya ki PHC ha ka jylla, neibhah da ekti wow pynlai ya ki Health Center da leh deiwa ya soi ya ka Memorandum of Understanding (MoU).
Da ong u wa hachwa wow pyndam ya ka soskular, hap leh wow pait bniah ya ka MoU wa da dep wow ya soi, deiwa pynrap wa ym pu yoh ya ka bui (Report) wa takit kawa da toh u pyndep myntu i janmiet.
Ha i jooh i por u Hek da ong u wa ym ye wow man wa lada mih iwon iwon i jia wa pynbaad hi-eh ya ki wakreh ha ki thaw sumaar, tangwa toh u sñiawthooh leh ya i kaam wa kreh ki wei hadooh katwon chitom ki wow kreh miet wa sngi.
Kam wow kdaw heini wa ka Joint action Committee (JAC) Mawsynram Border Area ynnin ka sngi da dawa ko wow pyndam noh ya ka Voluntary Health Association of Meghalaya (VHAM) wow pynlai ya ka PHC ha Dangar neidaw wym ye ko wow kreh yei kaam, wei ini da wanrah yei khlaad noh yong kawi ka manbei kawa dang dep kha khon.
