U DC ka West Jaiñtia Hills District da pynmih hukum u ynne ka 12 tarik yow pynbna pynman Micro Containment Area ya ki 4 tylli ki chnong wa em hapoh ka District.
Kini kynthup ki ya ka chnong Moobakhon, ka chnong Demthring, ka chnong Moopyllaitsyiar wa ya ka Synrang Bangbluh kawa em hapoh ka chnong Dongmihsngi, Jowai.
Ya kini ki thaw da pynman Micro Containment Zone chisyndon hadooh wa pynmih hukum da kamwi neidaw wa em kiwa yoh COVID-19 hapoh yong ki kamjooh kiwa da em hei maa wow yoh ya uni u khñiang kiwa da yachem wa kiwa chah ktah kamjooh kiwa yachem pateiñ.
Kamtæ waroh kiwa em hapoh kini ki Micro Containment Zone toh u neh ki hapoh yung, kiwa na baar ym toh wow psiah ki cha kini ki thaw, waroh ki dukan u man ki kiwa khang kamjooh ki yung krehkaam ki bru samen wa ki yong sorkar kiwa em hapoh kini ki thaw.
Ki kari wa lai luti na kini ki thaw ym chah wow sangeh ki hapoh u pood u ang ka Containment Zone.
Kani ka hukum ym em khang ko ya kiwa em hei chait i khiah wow leh yei kaam yong ki, ki bru u DC wa kiwi ki bru sorkar wa leh ya ki kaam wym hoi u dam, ki laad pathai khubor wa kiwa lai booh tadong LPG.
Ya kiwa leh pyrchah daw pynchitom katkam ki kyndon ka aiñ Disaster Management Act, 2005 wa ka IPC.
Ya kini ki thaw daw pait da ki Incident Commander.
