U montri ka chnat i chait i khiah ka jylla, u AL Hek ynnin da pynlait u ya i sur “Aao Khaye Kasam” ya iwa da chna da ka Meghalaya Police neibynta ki Front Line Warrior næ ki bru wa haphrang dooh kiwa kreh wow yakhun pyrchah ya ka khlam COVID-19.
Ya ini i sur da pynlait ha ka yalang wa pynman ha Conference Room ka Police Headquarters, Shillong.
Neiliang u Hek da yaroh u ya ki pulit wa da chna ki ya ini i sur iwa e mynsien ya ki wakreh ha ini i kaam wei wa ki pulit ka jylla leh da leh ki chiboon ki kaam neibynta i bha i miat ka imlang sahlang wa ka jylla waroh kawi wei khamtam wow yada u yakhun ya uni u khñiang uwa ym chynna wym yoo.
U Hek da ong u wa kawi na ki stieh wow yada nei poor ka khlan toh wow pynsñiawthooh wei wow e yutip iwa paka ya ki paidbah heiyatoh wa i tika COVID-19 heiwa ka Information & Public Relations Department da kreh ko khlem sangeh wow pynsñiawthooh paidbah yeini ha waroh ki chnong ka jylla.
Ha kani ka sngi da emlang u R. Chandranathan, Meghalaya DGP, ka I. Nongrang, Additional DGP (L&O), u H. Nongpluh, Additional DGP (SB/CID), ka M. War Nongbri, Secretary, Information & Public Relations, u B. S. Sohliya, Director, Information & Public Relations, wa kiwi kiwi.
Ya ini i sur ye phi wow pait heini: https://fb.watch/64o84ZBrJ9/
