Ka seiñ HYC Narpuh Circle kamwa da leh na ki por cha ki por, ha ka 12 tarik uni u bnai da yoh laad biang ko wow e yarap da u khoo wa u salah cha ki 63 tylli ki manyung ka chnong Mynkre, Chiehruphi wa ka Tongseng.
Ya ini da leh deiwa yahkhmat u Publicity Secretary ka seiñ u Pyndap Syiemlieh deiwa emlang ki dkhot ka seiñ wei chwa wow saam ya u khoo ha kini ki chnong da pynman ya ka yalang wa tbian.
Neiliang u Waheh Chnong ka Mynkre u Sani Bareh da kylli u wa cheiwon wiar ki heh ki haaiñ wa wan e yarap ha kam kini ki por. Kamtæ da e khublei u chiboon ya ka seiñ yei e yarap ko hanla man i iwa khian leh tangwa da man i iwa kyrkhu.
Neiliang u Secretary ka chnong Chiehruphi u Dametreyo Rymbai leh da e khublei wei yaroh ya ka seiñ deiwa pynchlur ya ka seiñ wow pteiñ ki yei kaam wa bha.
Neiliang u Secretary ka chnong Tongseng u Saman Phniaw leh da yaroh u ya ka seiñ deiwa ong wa lada man ko kawa dang khailung tangwa da leh ko ya ki kaam wa heh kawa pait ya kiwa dooh wa duk ha kini ki por deiwa beiñ leh ya ka sorkar jylla kawa ym ye wow yarap iyi iyi leh.
