U District Magistrate ka East Khasi Hills kam chibynta wow bood ya ka hukum ka sorkar Meghalaya kawa da pynmih ha ka 11 tarik uni u bnai wei neidaw leh wa dang boon hi kiwa yoh COVID-19 hapoh ka District iwa da poor leh cha kiwa boon ki chnong ka District.
Kamtæ da pynmih hukum hapoh ka Section 144 Cr.PC deilang wa ka Regulation 3 ka Meghalaya Epidemic Diseases, COVID-19 Regulations, 2020 wow pynkrehkaam biang ya ki Containment Measures yow kdoh u khoom ya waroh kawi ka District nadooh 4:00 waje i janmiet ka 14-06-21 hadooh 05:00 waje i step ka 21-06-21 deiwa pteiñ biang ki kyndon wa da pynmih ini wa dep.
Najrong ki kaam wa da chah ini wa dep, ha kani ka kynti da chah sa ya kini ki kaam ha wah:
Ki bru wakreh nadooh kiwa mylla ha ki kaam yong ki bru samen kamjooh ki karkhana da chah deiwa booh kyndon wa toh u man du ki bru wa em hapoh ka jooh ka chnong wei ye ki wow lai kreh 50% na iwa em ki bru wakreh.
Ki warep, kiwa khih mylla da chah wow leh yei kaam ki du hapoh ka chnong lane ka dong wa em ki.
Ki bru wa lai chim yei tika ym khang ya ki deiwa ye ki wow pynsakhiat.
