Kiwa dang yoh COVID-19 ha India dang hiar ma hiar ki heiwa kiwa dang yoh ha kini ki 24 kynta toh iwa duna dooh hadien 74 sngi wei da em ki hapoh 1 lak ngut la 7 sngi, kiwa chait leh da boon ki ya kiwa dang yoh la 32 sngi iwa da pynhiar ya kiwa dang chah ktah wow em ki hapoh 10 lak ngut hadien 66 sngi.
Kiwa dang yoh ha kini ki 24 kynta da em ki 70,421 ngut, kiwa dang chait da em ki 1,19,501 ngut, kiwa dang yap 3,921 ngut iwa mut wa kiwa dang em ya uni u khñiang da hiar ki da 53,001 ngut.
Ha kini ki 24 kynta da em leh du 2 tylli ki jylla wa boon da kiwa dang yoh ya kiwa chait wa kynthup ya ka Maharashtra wa boon da kiwa dang yoh 167 ngut wa ka West Bengal 1403 ngut.
Na ki 14,92,152 tylli ki Test wa da leh ha kini ki 24 kynta, kiwa chah ktah da em ki 4.75% iwa da neh hapoh 10% la 21 sngi.
Waroh kiwa da chait da em ki 95.43% kiwa em 2,81,62,947 ngut, kiwa dang chah ktah da em ki 3.30% kiwa em 9,73,158 ngut, kiwa yap 1.27% wa em 3,74,305 ngut, deilang dapoi 2,95,10,410 ngut kiwa da dep yoh ya uni u khñiang hapoh ka ri.
Heiyatoh wa i e tika hapoh ka ri, da dep wow e la 25,48,49,301 sien heiwa ynnin ka sngi da e 14,99,771 sien.
