Ka Dorbar Chnong Namdong-A wa ka Dorbar Chnong Lumrot, West Jaiñtia Hills District lyngba ka khubor wa da phah da ki Waheh Chnong u Arki Sumer wa u Nobelmi Ryngkhlem da pynsñiaw ki yei sñiawngooh ya ka Ramakrishna Mission Sohra hajrong i yarap wa da e ko cha ki paidbah wa chong chnong da u khoo mar 25kg wa 5kg u dai cha kamwa 100 tylli ki manyung.
Ini i e yarap wa da e ka Mission da man sakhiat i i kyrkhu cha ki 85 tylli ki manyung ka chnong Namdong- A wa cha ki 20 yung kiwa chong chnong yong ka chnong Lumrot kiwa emkaam sakhiat yei yarap ha kam ini i por wa ki paidbah maad ki ya i jynjar lyngba i wan ban kani ka khlam COVID–19.
Ki paidbah da e khublei kyrpang ki ya u Maharaj, ya u Manbha Lyngdoh wa ya kiwa ya emlang ha kani ka e yarap ka Ramakrishna Mission ya ki paidbah wa dooh wa duk, wei neiliang yong ki ar chnong kitbok kit rwiang ki ya ki kaam wa bha ka RKM Sohra wa nang ku ki chaphrang ha ki kaam chakri para bru.
Kani ka wyrta sñiawngooh wa da phah da u Waheh Chnong Namdong-A wa u Waheh Chnong Lumrot.
