Deiwa beiñ ya ka sorkar jylla liang wanang, uwa yahkhmat ka liang pyrchah ha ka yung dorbar chna aiñ, u Dr. Mukul Sangma ynne ka sngi da ong u wa i rai ka sorkar wa ong wa lada khlem tika ymye u wai dukan toh iwa duna i buit i budia ka sorkar wow pynchlur ya ki paidbah deiwa ong, hadooh katni ymye ka sorkar wei ymtip ko kammon u pynyatoh wa ki paidbah.
Da ong u wa i synchaar paidbah ymtoh i kaam wa suk ya kiwi deiwa ong wa ymsuk wow yoh ya ka luti wa tbian ha ka thma wei emkaam wa waroh u embynta lang ki ha ka.
U Dr. Mukul da pynbaad u leh wa ka sorkar da pynmih ko ya ki hukum heiwa kini hi ki hukum ym em u poi ki cha ki paidbah.
Uni u heh ka liang pyrchah ong u leh wa i kaam wow pathai ya ini i kaam ym mut i wa ki bru u pait ki du ya ka Twitter u montri rangbah deiwa ong wa jar jiar ki bru em ki jar jiar i rukom sñiawthooh wei katkam wa man katni ha ka jylla da man i iwa bakla.
Heijooh i por da ong u wa ka sorkar emkaam u thooh laad ko kammon wow pynsñiawthooh wei wow pynchlur ya ki paidbah wow chim ya i tika wei neiyi i daw artatien ki.
