U District Magistrate, West Jaintia Hills da pynmih hukum u ynne ka 18 tarik yow pyndam noh chisyndon ya ka hukum pyman Containment ya ka chnong Moobakhon, West Jaintia Hills District.
Ya kani ka hukum da pynmih hadien wa da pyndep yei booddien, i Test ya kiwa em hei maa hapoh ka chnong wei da chem wa da hiar i poor u khñiang khlam.
Kam wow pynkynmoo wa ya ka hukum pynman Containment toh kawa da pynmih ha ka 12 tarik uni u bnai.
Tangwa ini ym em mut wa ka chnong da pynlait ya ka na ka hukum Total Curfew wa da pynkrehkaam nadooh ka 12 tarik uni u bnai hapoh ka District.
