U DC ka East Jaiñtia Hills, u E. Kharmalki ynne da pynmih u ya kawi ka hukum ha kawa da ong u wa i poor ka khlam COVID-19 dang pteiñ hi ko hapoh ka District ha kiwa boon ki chnong wei kiwa dang yoh leh dang boon ki kamtæ da emkaam wow khang yeini i poor ka khlam yow yada ya ki paidbah.
Kamtæ hajrong ini da pynmih hukum wow pynkrehkaam biang ya ka Containment Measure hapoh ka District nadooh i step 4:00 waje i janmiet ka 21 tarik uni u bnai hadooh wa pynmih hukum da kamwi.
Chooh chooh da pyntip u wa da chah ya ki kattu katni ki kreh wa da chah biang ki hapoh ka District wei kini man ki kamni hawah:
- Kiwa khih mylla wa kiwa kreh ha ki thaw kreh ki bru samen næ ki karkhana heiwa u lai u wan toh hapoh ka jooh ka chnong/dong da chah wow lai kreh ki tangwa toh u em du 50% kiwa kreh.
- Ki warep wa kiwa khih mylla da chah wow kreh ki lada man i lai i wan u man i du hapoh kawi ka chnong/dong.
- Ki bru kiwa lai cha ki thaw e tika da chah ya ki wei emkaam wow pynyoo ki ya ka Registration wow chim tika.
