Ki ynñiaw tylli ki Dorbar Chnong ka West Jaiñtia Hills kiwa kynthup ya ka Namdong-B, Mukhnang, Madanrtiang, Thadmukoh, Kremmyrsiang, Ladmyngngor wa Sanaro da sñiawngooh ki ya ka Ramakrishna Mission (RKM) Sohra wa da e sñiawbha ko cha ki manyung wa emkaam yarap ha kam ini i por.
Neiliang ka RKM da e ko da u khoo 25 kg wa u dai 5 Kg cha kawi pa kawi ki manyung wa em 200 tylli ha ka thaaiñ Namdong kiwa kynthup ya ka Namdong– B, Madanrtiang, Mukhnang, Thadmukoh, Kremmyrsiang, Ladmyngngor wa Sanaro ha ka 18 tarik uni u bnai.
Neiliang kiwa kitkaam chnong kiwa kynthup ya ki waheh chnong wa ki paidbah da dap ki dei sñiawkmen wa i sñiawngooh wa da yoh pdiang ki ya kini ki marbaam na ka RKM.
Da ong ki wa ini i e yarap ka RKM man i kam i kyrkhu heiwa da e khublei ya u Maharaj ka Mission, u Manbha Lyngdoh wa kiwi kiwi.
Kani toh katkam ka Wyrta na u DS War uwa man u Waheh Chnong ka Namdong – B.
