Neidaw wa em kiwa yoh COVID-19 kamjooh kiwa em hei maa wow yoh ya uni u khñiang ha ka chnong Ksehrynshang, kamtæ u District Magistrate, West Jaiñtia Hills da pynmih hukum u ynne ka 20 tarik yow pynman ya ka chnong kam ka Micro Containment Area.
Ka hukum da khang ko leh ya kiwon kiwon wow psiah chapoh ka Containment Area wei kiwa em hapoh ka Containment Area ym toh wow mih ki cha lait wei wow neh bait ki hapoh yung.
Ym chah wow pynman ya kiwon kiwon ki yalang paidbah, waroh ki dukan, ki yung krehkaam sorkar wa em hapoh ka Containment Areas toh u man ki kiwa khang hadooh wa pynbna hukum da kamwi.
Ki kari wa wan na baar ka Containment Area kiwa lai luti ym khang ya ki tangwa ym toh wow sangeh ki hapoh ka Containment Area.
U Incident Commander u man u kam u Supervising Officer ya ka Containment Area.
Kani ka hukum ym em khang ko ya kiwa kreh ha ki kaam i chait i khiah, ki sahep u yung krehkaam u Deputy Commissioner, West Jaintia Hills District, Jowai wa kiwi ki bru sorkar wa leh ya ki kaam wym hoi u dam, ki laad pathai khubor wa kiwa li booh tadong LPG.
Kiwon kiwon kiwa tyngkheiñ ya ka hukum daw chah pynchitom katkam ka aiñ Disaster Management Act, 2005 wa IPC.
