Kiwa dang yoh COVID-19 ha India ha kini ki 24 kynta da jan ki wow hiar hapoh 50,000 ngut wei man ki leh iwa duna dooh hadien 88 sngi, kamjooh kiwa dang chah ktah leh da jan hiar ki hapoh 7 lak ngut deiwa pteiñ u boon da kiwa chait ya kiwa dang yoh la 39 sngi katwa kiwa dang yoh da em ki hapoh 1 lak ngut la 14 sngi.
Kiwa dang yoh da em ki 53,256 ngut, kiwa dang chait da em ki 78,190 ngut, kiwa dang yap 1,422 ngut iwa mut wa kiwa dang em ya uni u khñiang da hiar ki da 26,356 ngut.
Ha kini ki 24 kynta da em leh du 3 tylli ki jylla wa boon da kiwa dang yoh ya kiwa chait wa kynthup ya ka Manipur wa boon da kiwa dang yoh 75 ngut, Mizoram 399 ngut wa ha West Bengal 3 ngut.
Ynnin da leh 13,88,699 tylli ki Test heiwa kiwa chah ktah namo ka Positivity Rate da man ko 3.83% kawa da neh hapoh 5% la 14 sngi kattu.
Waroh kiwa da chait da em ki 96.36% kiwa em 2,88,44,199 ngut, kiwa dang chah ktah da em ki 2.35% kiwa em 7,02,887 ngut, kiwa yap 1.30% kiwa em 3,88,135 ngut, deilang dapoi 2,99,35,221 ngut kiwa da dep yoh ya uni u khñiang hapoh ka ri.
Heiyatoh wa i e tika hapoh ka ri, da poi sa cha uwi u moomær deiwa tam 28 klur sien wa da dep e iwa 28,00,36,898 sien heiwa ynnin ka sngi da e 30,38,996 sien.
