Jowai : Ka Jaiñtia Students’ Union (JSU) haka khubor da kynnoh joor hei yatoh wei tkoh i rukom krehkaam ka Ophis yong u DTO Jowai, heiwa da chitom ki paidbah kiwa lai emkaam ha kani ka yungkrehkaam neibhah ki paidbah lut ki wei por wa ka poisa.
Ka JSU da ong ko wa i tkoh i rukom krehkaam kani ka Office toh wym krehkaam ki bor computer, heiwa kiwa kreh ym chem luti ki deiwi wei ki kaam da man ki kiwa sahteiñ.
Ka JSU hadien wa da yoh yei ujor naki paidbah hajrong ini da lai yachem ko wa u DTO u ma P. Laloo heiwa oo leh da pdiang ya ini wa da sih ki computer kiwa em hapoh kani ka office wei katni emkaam u kreh da ki computer wei ymtoh kam nachwa wei neiliang yong yong oo da pyntip u cha u Commissioner Secretary ka Transport hei yatoh weini.
Kamtæ neiliang ka JSU, da dawa ki na ka tnad Transport yong ka sorkar jylla wow pynbiang noh yeini i thkoh krehkaam ka Office.
Kani toh katkam ka khubor wa da pyllait da u Cultural Secretary ka seiñ u Chebha Passah.
Discussion about this post