Jowai : Ka seiñ Jaiñtia Awakening Movement- Seiñbei hapoh i yahkhmat u President yong ka seiñ u Wankishwa Mawlong hei emlang ki dkhot yong ka seiñ ynnin ka sngi da lai li pait li sylli ki ya Jowai Civil Hospital Ialong hadien wa yoh ki boon ki ujor na ki piadbah.
Ka seiñ hadien wa dep yachem ko wa ka Medical Superintendent yong kani ka hospital da yoh ko chiboon ki pynche. Katni kani ka thaw sumaar em ko 13 ngut ki Doctor tangwa emkaam ko 24 ngut wei neini i daw ki Doctor haap leh ki cha wa palat neiwa emkaam ya ki u leh ki wei da man ko ka yukit wa khia bha.
Natlor ini ka Hospital leh dang emkaam kor ko wow pynemkaam hapoh ka kamra Pathology kamjooh leh ha ka Radiology. Duna leh ki thawthiah hadooh wa ya kiwa kjut da haap thiah ki cha khyndaw, nadooh ki khynnah hadooh kiwa punkhon.
Kamtæ hadien wa sñiawthooh ka seiñ ya ini waroh da kyntu ko ya ka sorkar khamtam ka tnat wa pait ya ka chait ka khiah yow leh ko yeiwa emkaam wei daw li booh dorkhat ko cha u Montri ka chait ka khiah yow pynbiang noh ya waroh wa emkaam kani ka Hospital.
Discussion about this post