Kiwa dang chait na u COVID-19 ha India dang pteiñ ki wow boon ya kiwa dang yoh la 42 sngi khlem sangeh wei kiwa dang yoh da neh ki hapoh 1 lak ngut la 17 sngi wei ha kini ki 24 kynta da dep wow e palat 30 klur sien i tika hapoh ka ri.
Kiwa dang yoh da em ki 54,069 ngut, kiwa dang chait da em ki 68,885 ngut, kiwa dang yap 1,321 ngut iwa mut wa kiwa dang em ya uni u khñiang da hiar ki da 16,137 ngut.
Ha kini ki 24 kynta da em leh 7 tylli ki jylla wa boon da kiwa dang yoh ya kiwa dang chait wa kynthup ya ka Arunachal Pradesh wa boon da kiwa dang yoh da 19 ngut, Himachal Pradesh (11), Lakshadweep (25), Manipur (77), Meghalaya (39), Mizoram (18) wa Tripura (114).
Ha kini ki 24 kynta da leh 18,59,469 tylli ki Test heiwa kiwa chah ktah da em ki 2.91% kawa tip leh kam ka Positivity Rate kawa da neh hapoh 5% la 17 sngi.
Heiyatoh wa i e tika won, ynnin ka sngi da e 64,89,599 sien heiwa waroh dapoi 30,16,26,028 sien wa da dep e tika hapoh ka ri.
Waroh kiwa da chait da em ki 96.61% kiwa em 2,90,637,40 ngut, kiwa dang chah ktah da em ki 2.08% kiwa em 6,27,057 ngut, kiwa yap 1.30% kiwa em 3,91,981 ngut, deilang dapoi 3,00,82,778 ngut kiwa da dep yoh ya uni u khñiang hapoh ka ri.
