Jowai : Ynne i step heipor kamwa 8:45 i step da em i yatyrrah ki kari hapyrdi kawi ka kari kawa em u No. ML 04C 2489 kawa yah da u ma L. Syngkon na Dongmihsngi wa ka kari kamai wa em u No. ML 04 B 6205 wa yah da u V. Snieh uwa na Nongjngi.
Ini da jia i ha wah ka Challam Syngkon Petrol Pump hajan ka sarok thymme wow mih ha Riatsasim.
U ma Syngkon wan u na Ummulong wei thmu u wow lai cha Jowai katwa u ma Snieh wan u na Jowai.
Ha ini i jia ya tyrrah u ma Syngkon da mynsoo u wei da kit ya oo cha Dr. Norman Tunnel Mission Hospital, Jowai yow yoh u yei sumaar.
Hei yatoh weini ki pulit dang takit ki yow tip yeiwa sakhiat.
Discussion about this post