U sdang noh wow chalan ya u Chirmit Lakadong cha Europe

Ka yalang wa pynman lyngba ka Internet da ka Jeev Anksh Eco Products (P) Ltd. kam chibynta wow sdang yei chalan ya u chirmit Lakadong wa u syiñ (Lakadong Turmeric Powder & Ginger Powder) na jylla Meghalaya da kaweh lama ya ka da u Sibhi Chakravarthy Sadhu (IAS), Secretary, Dept. of Agriculture & Farmers Welfare, ka sorkar Meghalaya.

Hawa e yei klam, u Sadhu da kdaw u yei emkaam wow chim kabu ya ki kini ki mar rep na Meghalaya wow dai ha ki yaw ki haat ka pyrthai, deiwa ong wa ka sorkar Meghalaya daw e yarap ko yow pynchlur yei chalan ya kini ki mar na kani ka thaaiñ, iwa daw yarap wow pynku yei yoh i kot ki warep kani ka thaaiñ.

Ya ki kyntien pdiang sñiawbha da e da u Gunajit Brahma, MD ka Jeevanksh.com, kawa man leh kam ka Company kawa chalan mar namo ka Exporting Company.

U Dharmendra Das, Asst. Director, Spices Board, Regional Office, Guwahati hawa e yei klam da kdaw u ya ki laad wa ki kabu wa yoh deiwa chalan ya kini ki jait mar kiwa ha i ktien pharæng da khut kam ki Spices deiwa phah ya ki kam cha Europe, USA wa kiwi de ki thaw. Da klam u khamtam wa yatoh wa kini ki jait mar-rep wa da rep hapoh Meghalaya.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka Sunita Rai, Asst. General Manager, APEDA Regional office, Guwahati da klam ko hajrong iwa ye wow yoh nong na kini ki mar-rep khamtam u chyrmit wa u syiñ deiwa chalan ya ki wei ka APEDA u yarap ko yow poi cha kani ka thong.

Neiliang u Gunajit Brahma da khana u yei lai luti ka Company yong oo nadooh u 2012, wei kammon da ya krehlang ki wa ki SHG yong ki kynthai hapoh Meghalaya deiwa yarap ya ki wow dai ya ki mar yong ki ha ki yaw ki haat ka pyrthai. Ka Company da ya krehlang ko wa palat 10,000 ngut ki warep ha ki thaw wa khian ha waroh kawai ka thaaiñ Northeast India.

Neiliang kiwa napoh ka jylla kiwa da seiñ da i yong ki hi i khih kam u Remdor Lyngdoh, Franky J lyngdoh naka Farm Connect Development Society, Jowai wa u Wanbor Nongspung na Wan’s Spice, Shillong da klam ki ha kani ka yalang.

Neiliang kiwa chalan na Netherlands (ka Iona Mulder) wa na UK (ka Henna Shah) da pynsñiaw yei kmen wei jhan wow leh ya ini neibhah wa joor bha i kwah ki bru ya u chirmit na Lakadong wa u syiñ na Meghalaya wei ye dor bha u dai ya ki.

Ya ki kyntien e khublei da yoh na u Demandson Lyngdoh, Project Officer, Mission Lakadong ka sorkar Meghalaya.