Hadien wa ka High Court ka Meghalaya da pynmih hukum ko ynnin ka 23 tarik deiwa mynjur ko ya ka hukum wa da pynmih ka DC ka East Khasi Hills wa yow tip che ki bru kamjooh yow tip ki wow jied, bha wow booh da ki Sign/Poster wa pynyoo ya kiwa da dep chim tika heiwa neiliang ka High Court da ong ko wa hap wow pynyoo leh ya kiwon kiwa ym pu em dep chim tika wei kiwa leh pyrchah wow pynyoo ya ini daw hap phah khang ki.
Kamtæ ka DC ka East Khasi Hills ynne ka sngi da pynmih hukum ko wa waroh ki dukan, ki thaw kreh, ki kari kamai kam ki Local Taxi, Auto Rickshaw, ki Maxi Cab wa ki Bus toh u biah ki ha ki thaw wa chynna bha ya i kyntien “VACCINATED” lada kiwa yah kari lane waroh kiwa kreh da dep yoh ki ya i tika.
Waroh won ki dukan, ki thaw kreh, ki Local Taxi, ki Auto Rickshaw, ki Maxi Cab wa ki Bus toh u biah ki ha i thaw wa chynna bha ya i kyntien “NOT VACCINATED” lada kiwa yah kari næ waroh ki wakreh ym pu em yoh ki yei tika.
Lada ki dukan, ki thaw kreh, ki kari kamai ym leh ki ya ini iwa da phah, ym chah ya ki wow wai ya ki dukan, ki thaw kreh wei wow lai kamai ki kari.
