U Deputy Commissioner, East Jaiñtia Hills District da pyntip paidbah u wa katkam ki kyndon ka sorkar jylla wa lada em kiwon kiwon kiwa khlaad lait ha ki thaw sumaar kam ha yung næ kiwi ki thaw toh u leh ya ka Rapid Antigen Test (RAT) wow tip ya i daw wa khlaad wei wow pyntikna lada toh na u COVID-19.
U District Surveillance Team næ ki Medical Officer yong ki thaw sumaar wa jan dooh ye ki wow rai kammon wow leh wow Test ya kiwa da khlaad wei lada kiwa khlaad toh na u COVID, kamtæ ye ka chnat i chait i khiah u leh ko yeiwa emkaam katkam ki kyndon wa da booh.
Chooh chooh ka hukum ong ko wa lada emkaam wow leh Test COVID-19, toh u em kiwa da khlaad ki dak kam i ky’oh, tlot u riñ mynsien, iñdoh, i tlotbor wa i pynhiar kpoh wei lada jia wa yajan wa ki bru wa chah ktah ha uni u khñiang COVID-19 wei man ki kam ki High Risk Contact, wei lada em kiwa hayung wa chah ktah, lane em ki ha ki thaw wa boon kiwa chah ktah ha ki chnong wa ki dong wei em ka thaw hapoh ka Containment Zone.
Chooh chooh kani ka hukum ong ko wa ki Medical Officer ye ki wow ebuit ya ki dkhot ka yung wow leh Test wei wow sneiñ ya ki wei ya ki nongmuna ye wow chim pyn na yung kiwa khlaad næ ha i thaw wa booh ya i metyap næ katwa yah i kaam.
Kani toh katkam ka kyndon wa da booh lada em wa khlaad ha yung la na iwon iwon i daw.
