U montri ka chnat i chait i khiah ka jylla u A.L. Hek da pyntip u wa ynne ka sngi ka sorkar da chim ko ya chiboon ki rai ha ka yalang ki Montri namo ka Cabinet Meeting.
Ini kynthup wow chah ya 15% ki kari kamai (lait noh ki Bus) ki wow sdang u kamai ha Shillong nadooh 28-06-21 (Monday). U chah leh 30% ki kari kamai ha ki thaw wa em cha palatsor ka East Khasi Hills District.
Kini ki kari kamai hap ki wow bood leh ya ka hukum ka Meghalaya High Court heiwa ki Taxi, ki Auto Rickshaw hap ki wow pynyoo lada toh kiwa da dep yoh tika namo ki wym em chim yei tika yow ye ki wow lai kamai.
Ka sorkar daw e yarap ko leh da ki marbaam wa kiwi ki jait tiar wa emkaam kiwa chongkset hapoh ki Corona Care Centre. Nachwa ya ini i jait yarap da e du ya kitu kiwa chongkset ha jar jiar ki yung.
Ki dukan cha wa em cha ki thaw platsor u chah u wai ki tangwa ym chah wow chong baam yow lait nei khynnia bru.
