U MDC ka Congress na Mawhati, u Charles Marngar da ong u wa lyngba ka soskular wa da soi hapyrdi ka Assam State Electricity Board (ASEB) wa ka United Khasi Jaiñtia Autonomous District Council (UKHADC), em ki kyndon wei kawi na kini toh wow su ya ka bai lutsan cha waroh kiwa chah ktah ha ka Dam (Umiam Water Reservoir neibynta ka Umiam HEP).
Da ong u wa hadooh ynne ka sngi ki warep em ki da ki spah ngut kiwa ympu yoh yarap neipor cheipor na i chlai um wei ini ye i u man wa neidaw wa waroh chi kattu ym em wa tip ya kani ka soskular.
Chooh chooh da kyrmen u wa lyngba kani ka soskular ki warep daw yoh yarap ki nei dooh yong ki iwa da kynjoh da ki phaw lak ha ka chi snem.
U Marngar da e khublei u leh ya u CEM ka KHADC, u Titosstarwell Chyne uwa da kreh chitom wow thooh bniah wow chem ya kani ka soskular wei wow chimkhia leh ya i pynsñiaw cha ka sorkar.
