Ka DC ka East Khasi Hills District da pynmih hukum ko ynne ka sngi yow pynbait yei rukom kamai kari hapoh ka District i wow krehkaam nadooh ka 28-06-21 hadooh ka 03-07-21 deiwa chah u kamai nadooh 6:00 waje i step hadooh 6:00 waje i janmiet.
I rukom kami kari toh deiwa chah hadooh 20% ki kari kamai ha ki thaw sor katwa ha ki thaw palat sor won hadooh 50% wei ini toh du ya ki Local Taxi wa ki Auto Rickshaw.
Ha ka sor Shillong Urban Agglomeration wa ki thaw wa em cha khapsor u chah 20% ki kari kamai ha chi sngi du ha ki thaw Municipal, Cantonment, waroh ki Census Towns deilang wa ki chong wa em hapoh ka Mawlai C&RD Block, ki Census Town wa ki chnong wa em ha Mawpat C&RD Block wa ki thaw wa em hapoh ka Mylliem C&RD Block
Ym chah wow kit bru cha baar ka Shillong Urban Agglomeration wa ki thaw wa da kdaw haneiñ. Ym chah wow lai na kawi ka District cha kawi lada ym yoh Pass.
I rukom kamai ki Local Taxi wa ki Auto Rickshaw man ki kamni ha wah:
28th June (Monday) ki kari wa kut u Number da 1 wa 2.
29th June (Tuesday) ki kari wa kut da u Number 3 wa 4.
30th June (Wednesday) ki kari wa kut da u Number 5 wa 6.
1st July (Thursday) ki kari wa kut da u Number 7 wa 8.
2nd July (Friday) ki kari wa kut da u Number 9 wa 0.
3rd July (Saturday) ki kari wa kut da u Number 1 wa 2.
Ki kari kamai wa em hapoh ka Sohra wa Pynursla (Civil) Sub-Division u chah 33% chi sngi. Ki kari kamai wa em hapoh ka C&RD Block wa kynthup ya ka Mawryngkneng, Mawkynrew, Mawsynram, Sohiong wa Mawphlang C&RD Block u chah 33% chi sngi.
Kini ki kari u kamai deiwa pynbait da ki jar jiar ki BDO wei da chah chwa du soo sngi donhi:
Local Taxi wa Auto Rickshaw
Sngi 1 ki kari wa kut da u Number 0, 1 wa 2
Sngi 2 ki kari wa kut da u Number 3, 4 wa 5
Sngi 3 ki kari wa kut da u Number 6, 7 wa 8
Sngi 4 ki kari wa kut da u Number 9, 0 wa 1
I rukom chong kari won man i kamni ha wah:
Local Taxi: 1 + 3
Auto Rickshaw: 1 + 2.
