Ynne i miet heipor kamwa 9:00 waje da chah tyrrah kawi ka kari Mahindra Pick-up kawa kit ya ki bru wa wan thung kba heiwa da yap kamwa 5 ngut pyn heithaw wa jia.
Kiwa chah tyrrah toh kiwa boon na ka chnong Mynso kiwa wan thung kba na Semasi ha East Jaiñtia Hills wei heipor wa poi ki ha ka thaaiñ Tuber Chohchrieh kani ka kari Pick-up wa chong ki da sih noh ko wei da hiar kiwa chong kari yow ngiat ka.
Ha ini i por da wan kawi ka Truck kawa da tyrrah ya kani ka kari deilang wa ki bru wa ngiat ka wei da antaad kiwa em ha ini i thaw wa jia da em ki waroh kamwa 12-15 ngut kiwa wan da kani ka Pick-up heiwa ya kiwa mynsoo da kit cha ki thaw sumaar da ka Ambulance wa ki kari ki bru samen.
Ka Truck toh kawa em ya u Number AS-01LC-6357 katwa ka Pickup won toh kawa ym pu em Number kawa toh donhi A-F.
Kiwa em ha ini i thaw da ong ki wa da chitom bha ki wow yoh Ambulance wei da kit katwa niam hapoh ka Ambulance.
Daw pyntip chooh chooh cha phi katwa dang yoh khubor hajrong ini.
