Hadooh ka 26 tarik uni u bnai i e tika COVID-19 ha West Jaiñtia Hills District man i la 47,037 sien heiwa na kini kiwa da yoh yei tika chisen da em ki 41,837 ngut katwa kiwa yoh la arsien da em 5200 ngut. Heiwa ki bru wa em 18 snem chaneiñ da em ki 1,85,588 ngut iwa mut wa 22.54% toh kiwa da yoh yei tika chisien.
Ha kani ka tayaw hadooh ka 26 tarik da e 8,408 sien i tika hapoh ka District katkam ka yukheiñ wa yoh na ka sorkar.
Ki wakreh ha i kaam wa yatoh wa i chait i khiah (Health Care Worker) kiwa da yoh yei tika chisien da em ki 2488 ngut wei na kini kiwa da yoh yei tika la arsien da em ki 1881 ngut.
Kiwa em hakhmat dooh wow yaleh pyrchah ya ka khlam (Front Line Worker) kiwa da yoh yei tika chisien da em ki 10,943 ngut katwa kiwa da yoh yei tika la arsien da em ki 1719 ngut.
Kiwa em 18-44 snem kiwa da yoh yei tika chisien da em ki 10,088 ngut katwa kiwa yoh la arsien da em ki 1.
Kiwa em 45-60 snem kiwa da yoh yei tika chisien da em ki 12,407 ngut katwa kiwa yoh la arsien da em ki 553 ngut.
Kiwa em 60 snem chaneiñ kiwa da yoh yei tika chisien da em ki 5911 ngut katwa kiwa yoh la arsien da em ki 1046 ngut.
Neiliang u DC da pyntip u wa kattæ da chah wow lai bait cha ki thaw e tika khlem da leh ya ka Online Booking neibynta ki 18 snem chaneiñ kamjooh leh ya kiwi ki rta.
Hapoh ka jylla hadooh ynne ka sngi da dep wow e la 6,64,267 sien i tika heiwa kiwa yoh chisien da em ki 5,87,745 ngut katwa kiwa yoh la arsien da em ki 76,522 ngut.
