Ka District Magistrate ka Ri-Bhoi District da pyntip ko wa neidaw wa em ki kari wa kit palat 40MT kiwa lai na ka yingkieñ nar namo ka Bailey Bridge kawa em ha Umroi Dwar Ksuid (Shillong Bypass) wei da lai ki palat ya ka 10 Km/h i smat heiwa da ktah ko ya kani ka yingkieñ.
Kamtæ da emkaam wow khang yei lai ki kari wa kit palat 40MT lyngba kani ka yingkieñ nar yow lait na iwon iwon i jia wa sñiawsih wei ki bor wa toh u pait ya ini toh u pyntikna ki wa ki Weigh Bridge u pyntikna ki wa ki kari wa kit palat 40MT ym toh u chah wow lai ki lyngba kani ka yingkieñ.
Hajrong ini da pynmih hukum wow khang ya ki kari wa kit palat 40MT wow lai ki na kani ka yingkieñ nar kamjooh na ka yingkieñ khyndaw-bilat wa em ha chrooh kani ka yingkieñ nar deiwa pyrkhat yei bha i miat yong waroh.
Kamtæ ya kiwi ki kari da chah wow lai biang na kani ka yingkieñ nar tangwa u khang won ya ka nadooh 7:00 waje i miet hadooh 6:00 waje i step hadooh ka 15-07-21.
Ki kari wa kit palat 40MT ym chah wow lai ki na kani ka yingkieñ nar.
