Ka 7 Shnong Congress Circle (7SCC) ha ka 26 tarik uni u bnai da e yarap ko da u khoo cha palat 100 tylli ki manyung wa dooh wa duk, heiwa kini ki manyung kiwa da yoh yarap toh ka chnong Moolang, Moosniang Rim wa ka chnong Rngad.
Ka Party da e khublei ko ya ki paidbah kiwa pdiang sñiawbha ya ini i e yarap wa khian yong ka Congress. “Ini toh du i sdang wei dang em boon ki kaam kiwa daw leh ha kani ka thaaiñ yong ka 7 Chnong manda wai ka Lockdown u COVID-19”, ong u Working President yong ka Khliehriat Block Congress Committee uwa pait ya ka 7 Shnong Congress Circle, u Piwell Shylla.
Ka Party da yooluti ko leh wa deiwa yah u Blai wa booh wa thaw daw ye u chakri rap bha ya ki paidbah ha ki por wa daw wan.
Ha ini i saam ya uni u khoo da em leh kiwa yahkhmat ka Party, nadooh u President yong ka Khliehriat Block Congress Committee, u Deibormi Syad, ki Vice President wa kiwi de kiwa kitkaam wa hakhmat yong ka Congress.
Ya kani ka kyrwoh da e da u General Secretary yong ka 7 Shnong Congress Circle, u Enry Lamurong wa u President u Bangeit Siangshai.