Kawi ka bru kawa na New Kench’s Trace, Bishnupur, Shillong kawa da wiar nadooh i step ka 25 tarik uni u bnai da chem ya ka napoh ka Meghalaya Rural Bank, Bishnupur ynnin ka 28 tarik.
Kani ka bru kawa em 40 snem i rta da chem ya ka napoh ka Bank da u Branch Manager hadien wa wai ya ka Bank ha ka sngi Monday.
Kani ka bru toh kawa da neh hapoh ka Bank kamwa le sngi hadien wa wan ko cha kani ka Bank yow thap poisa ha ka sngi Thohdieñ heiwa ka Bank da khang ko heipor 2 waje i sngi.
U Branch Manager da mih u napoh ka Bank heipor 3:45 i sngi. Tangwa kani ka bru won ym em kbai ko lane pyrchang ko wow leh iyi iyi yow tip wa em bru hapoh kani ka Bank. Tangwa da chem toh kawa da rah chwa ki baam hadooh ki ORS.
Kamtæ da suba joor wa em iyi ye iyi i thmu kani ka bru kawa da neh hapoh ka Bank la le sngi wei lada toh kawa chah kset bakla ye ko wow leh iyi iyi yow sñiaw kiwa boon ki yung wa em chajan.
Da chem leh wa ki CCTV Camera hapoh ka Bank leh man ki kiwa da sih wei da em leh i pyrchang wow psiah yabor cha ka Strong Room ka Bank tangwa ym pu tip che wa lada kani ka bru toh kawa emkti ha ini waroh.
Ki pulit leh ym pu em ong ki iyi iyi leh neidaw wa ka takit dang lai ko chakhmat.
