U MLA ka KHNAM na North Shillong, u Adelbert Nongrum da ong u wa smat u wow ieh noh ya i kaam kam u MLA bar wow yahbakla ya ki paidbah deiwa kdaw wa nei wan ka khlam COVID-19 da wanrah i yei yoobeiñ wei daw yaleh u pyrchah ya ka sorkar hanla chah kem u wei ymtoh de wow pynlait ya oo na patok.
Da ong u leh wa kiwa kitkaam Balang toh u choh noh ki ya ki waje wow yoo yei kylla wa i chngaaiñ, neiyi i daw wa hap yang ki ya ka hukum na ka sorkar.
U Adelbert da klam u ya kini ki kyntien heipor wa pynman ya i pynsñiawthooh paidbah hajrong i e tika yada COVID-19 wa da pynman da ki bor District ha Dorbar Hall ka chong Mission, Mawkhar.
Da ong u leh wa ympu ye u wow chim tika katni, tangwa manda toh i por daw kyntu u ya ki paidbah wow chim tika, wei ym ong u leh wa ka tika toh kawa bha næ wa sih tangwa daw ngoohblai u wa waroh kiwa da chim tika ymtoh u chah ktah ki.
