Ka Adventure Sports & Mountaineering Club, West Jaiñtia Hills da pyntip u wa ka Club da yoh laad ko wow e yarap da ki marbaam cha ki 40 tylli ki manyung wa dooh ha ka chnong Moopyut deiwa e mar 5 kilo u khoo, chiteiñ kilo u dai wa 1 kilo i blooh.
Ka Club da e ngooh ko ya u Blai uwa da pyndap pynbiang wow yoh ya kiwa e yarap sñiawbha na ki kattu katni ngut kiwa na jan wa na jngai ha kam kini ki por.
Ka Club ka duwai ko wa u Blai u kyrkhu kyrdoh u ya waroh kiwa da e yarap sñiawbha wei kamjooh leh daw pteiñ wow e yarap ha ki kattu katni ki chnong kiwa hajan. Da e khublei leh ya u Wailadmiki Shylla, MLA Jowai uwa da e ka kti timun tidiang ya ka Club wow yoh yarap cha kini ki chnong.
I pyntip na u Sambor Surong, President yong ka Club.
